Lokah Mqyanux

 

    Yu-tas Ya-ki Ya-ba Ya-ya s-'-nun si-mu ba-lay la...這裡曾經是鹿的故鄉...

    會記得前一暫仔電視有一個廣告,一隻深紅色的箱仔車配合tioh chit首歌,un-un-a駛入去鹿仔的故鄉、原住民的原鄉...

    學生台灣語文促進會ti chit-e hioh-loah辦一個泰雅生活營,前3 kang地點ti交大,au-piah 3 kang實際上新竹尖石鄉的新光部落,交大3 kang主要上一寡泰雅語課,為tioh驗收學習成果,阮分組上台對話kap歌唱比賽;阮chit組的對話雖然pho.-pho.-a nia,毋過to是靠chitLokah Mqyanuxtioh在場的an-kho.h kap phok-a聲。

    雖然大家己經學3 kang的泰雅語,khahmahitLokah su ga(你好無)boe-su抓狂歌lai-te唱的:「khahmaThank you very much」。

    交大結束了,hit kang chai-khi大家真早to起床,先坐公車到竹東chiah koh分批坐箱仔車chiuj新光部落。

    車程差不多3點外鐘,阮tiam新光落車,落車的所在ti新光國小邊仔一間kam-a-tiam的門腳口。Ti平地漢人的社區,這可能是一間強beh7-eleven拚倒的印象中的kam-a-tiam,毋過ti chia,伊賣電話卡、賣郵票、負責對外交通,甚至充當登山客補充糧食的重地。

    原本有kui位原住民的小朋友ti店門口食牛奶糖仔,阮來chia in一滴仔to無感覺奇怪。1個看tioh阮落車to先走a,另外一位乎in大人叫tng去,chhun 2個留ti附近。

    一落車,大家趕緊chhoe目標「Lokah su ga Ima lalu su(你叫啥物名)boe-su beh驗收chit kui kang的效果。毋知是講了無標準iah是小朋友當teh無閒食牛奶糖仔,kantaj頭家娘勉強ka嘴角lih開應:「Sayun lalu mu(我叫沙勇)。後來阮發現一個事實:阮學的是烏來hit-peng的泰雅語,ham新竹chit pengsio-khoakang的所在。

    語言(母語)對家己族群來講,文化延續意義khah大溝通:對他族來講,語言溝通意義大於文化傳承。假使kantaj e-hiauLokah su ga」,至於國家公園對原住民的影響,原住民自治是啥物,為啥物高山民族to ai tiam大樓鷹架teng-koan繼續koan的生活longtam-poh-a瞭解,toke學一句「Ima lalu su」又koh有啥物lo.-engham宋楚瑜又koh有啥物差別leh

    語言是活的,咱beh學的毋是語言,而是學「學語言的心」,既然語言是活的to應該ui伊生長的環境lai-te去學。當頭前行來一位原住民cho.lang提著水蜜桃beh請你的sichunsinsoa ka學一句「mhuway su!」(多謝);或者當你行山路行kahthiamsichun,看tioh一台載tioh水蜜桃的發財仔車停落來向你iat手,hit e sichunma esai ka學一句「mhuway su balay(非常勞力)。我想,只有siong自然的學習chiah是真實的學習,真誠的交往應該隨時互相學習而毋是公式化的「Lokah su gachiah tioh

    到新光已經tau a,大家to chhoan泡麵kap siokphang來食,食soah補充一下仔乾糧,liam-mi分做2批出發chiuj新光教會。當大家將注意力khng ti頭前hit片往教會的樹林的時,一個45歲的囡仔niliap手行來糞圾桶邊仔將hitlim無了的麵湯phang起來,無saj-lng-e腳步totui巷仔lai-te入去...

    往教會的中途出現一條雙叉路,當大家teh kiau第一批無留落記號的sichun,面前駛來一隻鐵牛仔車,車頂載滿kui箱的水蜜桃。阮看tioh阿伯仔身軀頂穿一領「釋放張燦鍙」的Tto向伊比一下大頭姆講:『請問,往教會要走哪一條路?』,伊ma真好禮ka阮比ui hitchiuj-kia的路。當阮peh到一半的時,發現第一批ui另外一條行去,lu行是lu遠,阮看毋是勢to合聲hoah-hiuiat手叫inkho.-hoan-頭,想boe到好心乎雷chimkiosichiahm-tioh,叨工beh ka in chhongtisoah一路liu-liu去。害阮一時soah ma tam-tamkiosi阿伯仔ka阮報m-tioh去,無法度,大家只好「貓食鹽--chhun-pane」繼續行落去。

    總是,「上帝」疼憨人。行無10分鐘阮的頭前出現一支指往新光教會的路標,大家毋管是chiuj-kia,一、二百公尺做chit-khun-thau to ka peh kit-li

    山頭teng-bin出現的是一座木造的khia-ke厝,真susi,是阮chit kui kang toa的所在。正peng是一棟紅瓦、am-bun-tho. khi的教會,si-peng-pij-a彫刻tioh射日頭的勇士、占卜鳥等泰雅族傳統象徵的圖案。

    起來了又kohtioh一位身穿「公投進入聯合國」的阿伯仔ti山泉水邊仔洗車。「信上帝,得永生」向伊請教chiah chai原來伊是斯馬庫斯的牧師,kau-taj阮終於證實人講e:有阿棟牧師ti leh,所以新光kap其他國民黨控制下的原住民部落無sio-kang

    3個到的時並無khoaij第一批的人影,阿棟牧師kap牧師娘仔ma longti lehkantaj in cho.kiaj kap kui位長青團契的朋友teh khoan行李。

    Ai-io,台語應該會通喔!」

    『為什麼要說台語?』

    阮看in是長青團契,想講台語應該ma會通,想boe到對台語有anne的反應。原來in chiuj服務已經2禮拜,當teh khoan包服仔準備mi-a-chai-khi beh落山...

    Hit kang,我一直teh想:咱起來山頂的目的是啥物?是像in來鬥挽水蜜桃to好,iahkantaj chiuj山來度一個假?或者是來滿足家己ma關懷弱勢族群的心nia-nia?或者...

    後來牧師娘的cha-bo.-kiaj chhoa阮去鎮西堡部落chhoe阿棟牧師。Hit-cham阿棟當teh無閒選舉,前暗bu kui-long無睏,一直到阮去的sichun chiah乎阮吵醒。

    『紅的很酸,不要採!』阿棟hah一下仔hi,伸手將黃色的李仔挽落來,用衫chhit-chhit leh that ui嘴入去。阮to nana挽,挽kui籃仔的李仔準備提tng去教會分乎大家食。

    阮發現當阮提tng去教會時,kui籃仔的李仔乎阮食kah chhun一半:「好ka-chaiiau有一半」文仔chhit一下仔嘴,真滿意講。

    tng-kang,阮long-chong分做3組:一組去鬥挽水蜜桃,一組發揮勇士的精神去peh斯馬庫斯,siong-boe一組做米蟲,食飽閒閒tiam教會hioh-khun

    阮即組勇士10 goa人,打算beh發揮泰雅勇士射目頭的精神,ui chit-peng山頭行落溪埔然後peh chiuj對面hit粒山頭的斯馬庫斯。

    chit-kiajhoan-tng來新光kam-a-tiam補充糧食準備出發。Ti hia tng tioh一位原住民小朋友真好意講beh chhoa阮去斯馬庫斯。講行to隨行,一領tiau-ka-a、一雙chhian-thoa,無講taj-kin-a「咻」一下已經無khoaij影。阮chit陣「勇士」拚命tiam au-piah giok,「扛轎的啊!」喔毋是,是「小朋友啊!」「稍等一下!」

    Ui kam-a-tiam邊仔hit條巷仔入去,落一個30度的kiachenghit片竹仔林,然後行過hit條石頭仔路,koh chhu一個45度的山-phiajSoa來進入一片樹仔林,終於,終於聽見溪水chhoah流聲,漸漸、漸漸看見聯絡chit粒山頭、haj過秀巒溪上游的斯馬庫斯吊橋。Chit sichun已經oa tau,足足行2goa鐘,大家看一下仔錶仔,boe-su歹去的時鐘haij頭怨嘆講:「那會anne?早知ma去挽水蜜桃。」

    Hioh-khun飽,大家giah頭向山頂看,親像ng-bangtioh啥物kang-khoan。「扛轎的啊,稍等一下!」當大家iau teh等待奇蹟出現時,小朋友又kohkhoaija,足足giok 2goa鐘,lo.-boe ti斯馬庫斯乎阮giok tioh

    簡單kui戶人家,1個籃球場1間教會,56個囡仔ti hiato.-lian-sio-giok。風真透,大部份窗仔longleh,半中央有一間斯馬庫斯商店,阮行chin-cheng ka long門想beh買寡物件,一位年輕原住民少婦chiah ui au-piahkhia-ke-厝出來將chit間唯一的商店打開。

    Tiong-tau大家to tiam chia解決,sinsoa討論下哺beh anchoaj tng去。最後,大家決定行大路,雖然路有khah遠毋過khah有可能tng tioh趕落山的車。

    chit陣「勇士」做好phah-sng liautoti日頭落山chin-chengetangtng來新光無。Ui斯馬庫斯出發,中途停落來入一寡冰涼的山泉水,行了3公里的山路chiahtioh點仔膠。真tu-ho有一台貨車,phah-sngbeh載水蜜桃的。果然kui-chang好好,tu-chiah ti路裡tng tioh kui位原住民青年phaij tioh水蜜桃,tobehchiuj chit台車趕出去交貨。大家chit-khoaij若中tioh特仔尾kang-khoan歡喜phut-phut,啊無考慮人是毋是願意載咱?經過一番交涉,面對chit批厚面皮的勇士,in只好再度發揮原住民「分享」的精神,乎阮10 goachiuj車。

    Hittng來了大家longthiam,雖然有車thang坐但是你ai瞭解chit chiong乎人當做水蜜桃載的滋味ma好無到to-ui,而且落車了iau ai78公里的路chiah會到教會。

    Hit暗,是營隊的siong-boe一瞑,落tioh sap-sap-a雨,收音機報講風颱behaTi hia,大家針對chit-pai的營隊做一個檢討會。Kantaj會記得幼齒蛇講:「你chai-iaj伊講啥物無?伊講伊beh錢!」、「伊講伊beh錢」、「莫怪伊一直ka你纏tiau leh...

    我想,交易kap報答kantaj隔一層膜。

    咱憑啥物叫人chhoa咱去斯馬庫斯?又koh憑啥物ng-bang人將咱當做水蜜桃載落山?當咱beh kap人「分享」的sichunkam只是「分享」?

    當資本主義進入原始經濟體系社會,究竟是ai to一種的生活方式leh?是kap新光kam-a-tiam的頭家娘「分享」iah是載tioh水蜜桃的發財仔ai為咱停落來?

    歷史的過程有早有慢,有變遷ma有永恆。咱kam to充滿「好奇」koh問原住民chit-mai穿啥物、做啥物?當原住民向你問講:你是毋是iau teh穿米粉袋仔的內褲。

    泰雅的勇士,先來跳一下仔勇士舞吧!Tibeh出發去找chhoe2粒日頭、tibeh出發為族人找chhoe khah好生活環境、tiiau boe射落日頭的sichun,泰雅的勇士:Lokah Mqyanux(勇敢活落)

    展開你的弓,為族人的生活,射落日頭吧!

 

(原載「自立晚報」本土副刊,5/9/1994